Out Can Be In – Мобилност во Франција
Мобилност во Акс-ен-Прованс фокусирана на музиката, креативноста и социјалната инклузија на лица со аутизам.
За проектот
Од 04.06.2024 до 07.06.2024, македонскиот тим учествуваше во мобилност во Акс-ен-Прованс, Франција, во рамки на проектот „Out Can Be In“. Активностите започнаа со музички работилници организирани од француска невладина организација, каде учесниците се запознаа со значењето на музиката, имитирањето и импровизацијата во работата со лица со аутизам.
Во текот на вториот и третиот ден, тимот дискутираше за подобрување на пристапите во работата со аутистични лица и учествуваше во практични музички сесии, кои вклучуваа детски песни, полифонија и кратки јога сесии за поврзување на телото и умот. Овие активности овозможија развој на нови методи за зголемување на вниманието, социјалната интеракција и емоционалната поврзаност.
Мобилноста беше збогатена со посета на ресторан во кој сите вработени се лица со аутизам, како пример за успешна социјална и работна интеграција, како и со посета на детски аутистичен центар и циркуска работилница за развој на моторички вештини. Активностите завршија со заедничка забава и неформално дружење, зацврстувајќи ја соработката и размената на искуства.
Цели
- Истражување на улогата на музиката во работата со лица со аутизам
- Развивање иновативни и креативни методи за инклузија
- Размена на искуства со меѓународни партнери
Резултати
- Подобрени практични знаења за музички и телесни техники во работа со аутизам
- Развиени нови пристапи за зголемување на социјалната интеракција
- Зголемена свесност за успешни модели на социјална интеграција
За да го прочитате и останатиот дел од приказната, погледнете ја нашата Фејзбук страница →
Информации за проектот
Година
2024
Категорија
Еразмус+ | Инклузивно образование и уметност
Локација
Акс-ен-Прованс, Франција
Учесници
Тим од Македонија во соработка со француски партнери
Партнери
- Xanadu Art – Северна Македонија
- Оптимум Билги – Турција
- Француска НВО – Акс-ен-Прованс