Еразмус+ KA210 – Да ги надминеме различностите преку театар (Мобилност Волос)
Петдневна Еразмус+ мобилност во Волос фокусирана на справување со bullying преку образовна драма, форум театар и уметничко изразување.
За проектот
Мобилноста во Волос, Грција, беше дел од проектот „Еразмус+ KA210 – Да ги надминеме различностите преку театар“ и претставуваше интензивно петдневно искуство исполнето со учење, емоции и интеркултурна размена.
Под водство на театарските едукатори Марија Каразану и Ангелики Николау, учениците учествуваа во театарски работилници со техники на образовна драма, форум театар и театар на угнетените. Преку „замрзнати слики“ и кратки сценски прикази, беа обработени реални ситуации на bullying поврзани со социјален статус, потекло, изглед, родов идентитет и сексуална ориентација. Учесниците ги анализираа чувствата и последиците кај жртвите и насилниците, а потоа ги преработуваа сцените со емпатични и позитивни решенија.
Покрај едукативниот дел, групата уживаше во културна програма со целодневна посета на манастирите Метеора и едукативна тура во Археолошкиот музеј Атанасакеион во Волос. Неделата заврши со свечено доделување сертификати, создавање нови пријателства и силно чувство на заедништво, со надеж за следна средба во Охрид.
Цели
- Спротивставување на bullying и насилството преку драмски методи
- Развивање емпатија, критичко размислување и тимска работа
- Јакнење на интеркултурната соработка меѓу ученици и наставници
Резултати
- Реализирани интерактивни театарски работилници и сценски прикази
- Подигната свест за последиците од насилството и угнетувањето
- Зајакнати меѓународни врски и доделени сертификати за учество
За да го прочитате и останатиот дел од приказната, погледнете ја нашата Фејзбук страница →
Информации за проектот
Година
2024
Категорија
Еразмус+ KA210 – Училишни партнерства
Локација
Волос, Грција
Учесници
Ученици и наставници од Македонија, Италија и Грција
Партнери
- Партнерско училиште – Волос, Грција
- Партнерска организација од Италија
- ОСУ "Св. Климент Охридски" – Охрид